គ្មានការប្រកាសដើម្បីបង្ហាញ
រឿង មហិទ្ធិឫទ្ធិនៃការងារចំពោះមុខ
ដារី ជានារីក្រីក្រម្នាក់មានក្តីស្រមៃចង់ក្លាយជាអ្នកមានជីវភាពធូរធារ ប៉ុន្តែការងាររបស់គាត់បច្ចុប្បន្ន គឺនៅផ្ទះ ទទួលលាងចានអោយគេពេលមានបុណ្យទានផ្សេងៗ និងដាំបន្លែហូបតិចតួច។ គាត់អង្គុយគិតម្នាក់ឯងថា «តើខ្ញុំត្រូវធ្វើយ៉ាងណាដើម្បីអោយបានចំណូលច្រើន បើមួយថ្ងៃៗខ្ញុំរកចំណូលមិនបាន១ម៉ឺនរៀលផង?» ក្រោយនិយាយរួច នារីនោះមានទឹកមុខស្រពាត់ស្រពោន និងដកដង្ហើមវែងៗជាច្រើនដង។
នៅថ្ងៃបន្ទាប់ នៅក្នុងពិធីរៀបការមួយ មេចុងភៅការបានហៅគាត់មកជួយលាងចាន។
«ដារី ហេតុអ្វីក្មួយអង្គុយលាងចាន ដោយទឹកមុខស្រងូតស្រងាត់ម្ល៉េះក្មួយ» អ៊ុំស្រីមេចុងភៅសួរទៅកាន់ដារី។
«ខ្ញុំពិបាកចិត្តអ៊ុំ ដោយសារចង់មានជីវភាពធូរធារ ប៉ុន្តែមានមុខរបរតូចតាច និងចំណូលតិចអ៊ុំ។» ដារី ឆ្លើយតបទៅកាន់អ៊ុំស្រីទាំងទឹកមុខស្រពោន។
«ដារី ក្មួយត្រូវដឹងថា ពេលយើងចង់ធ្វើអ្វីមួយ...
