English
តាមការសិក្សាស្រាវជ្រាវ យុវវ័យភាគច្រើនគឺលេងហ្គេមតាមកុំព្យូទ័រជាប្រចាំ។
តើយុវវ័យបានទទួលផលប្រយោជន៍អ្វីខ្លះពីការលេងហ្គេម?
អ្វីដែលយើងបានដឹង យុវវ័យគាត់៖
១. ខាតពេលវេលាហាត់ប្រាណ
២. ខាតពេលវេលាសិក្សារៀនសូត្រ
៣. បះពាល់ដល់សុខភាពខួរក្បាល
៤. រំខានការគេងនៅពេលយប់
៥. មិនមានពេលរៀនសូត្រអ្វីដែលថ្មី និងជម្រុញការរីកចម្រើនផ្ទាល់ខ្លួន ដូចជា ពេលវេលារៀនភាសាថ្មី សាកល្បងជំនាញថ្មី ដោយសារពេលវេលាចំនាយលើហ្គេម
៦. ខាតពេលវេលារកលុយ ដោយសារជាប់លេងហ្គេម
៧. ខាតលុយ ដោយសារបង់លុយដើម្បីលេងហ្គេម
៨. បាត់បង់ឱកាសក្នុងការចូលរួមក្នុងសកម្មភាពសង្គមដោយសារលេងហ្គេមពេក
៩. បាត់បង់ទំនាក់ទំនងនៅក្នុងគ្រួសារ ដោយសារវក់នឹងហ្គេម
១០. មានការប៉ះពាល់ដទៃទៀតជាច្រើន
យុវវ័យទាំងឡាយ ពេលវេលានេះ ជាពេលដែលអ្នកត្រូវសិក្សាសន្សំចំនេះ សន្សំលុយ សន្សំជំនាញ ដើម្បីប្រើប្រាស់នាពេលខាងមុខ។
ដើម្បីផ្តាច់ការលេងហ្គេម សូមយុវវ័យសួរខ្លួនឯងថា តើអ្នកបានរីកចម្រើនអ្វីខ្លះ បន្ទាប់ពីអ្នកបានប្រើពេលវេលាលេងហ្គេមយ៉ាងយូរមក?
ការរីកចម្រើនគឺ វាស់ទៅលើ សុខភាព ទ្រព្យសម្បត្តិ បញ្ញាស្មារតី។
តើសុខភាពអ្នកល្អជាងមុនក្រោយលេងហ្គេមទេ?
តើទ្រព្យសម្បត្តិអ្នករីកចម្រើនក្រោយលេងហ្គេមទេ?
តើបញ្ញាស្មារតី ភាពចាស់ទុំ ចាស់ចិត្តគំនិត រីកចម្រើនដោយសារហ្គេមទេ?
តើអ្នកមានទំនាក់ទំនងល្អជាងមុន ដោយសារលេងហ្គេមទេ?
អត្ថបទដោយ៖ Rosmeanney
