ថ្ងៃនេះ ខ្ញុំសូមចែករំលែកពីប្រភេទនៃគោលដៅទាំង៦ ដែលអ្នកទាំងអស់គ្នាអាចរៀនសរសេរដោយផ្ទាល់ដើម្បីកំណត់គោលដៅឆ្នាំថ្មី ដែលនឹងជួយអោយជីវិតអ្នកទាំងអស់គ្នារស់នៅមានន័យ រស់នៅដោយពេញលេញ រស់នៅដោយគ្មានការសោកស្តាយ។ គោលដៅទាំង ៦ នោះមាន៖
គោលដៅទី១៖ គោលដៅសុខភាព (Health and Fitness Goals (Good health)
កំនត់គោលដៅសុខភាពរបស់អ្នកអោយរឹងមាំ មិនសូវឈឺ មានកម្លាំង តាមរយៈការហាត់ប្រាណ បរិភោគអាហារល្អៗដូចជាបន្លែនិងផ្លែឈើ និង សំរាកអោយបានគ្រប់គ្រាន់។
គោលដៅទី២៖ គោលដៅអភិវឌ្ឍន៍ខ្លួន និងការអប់រំ (Self-improvement and Education Goals)
ជាគោលដៅក្នុងការអភិវឌ្ឍន៍ចំនេះដឹង ជំនាញអោយរបស់ខ្លួនអោយប្រសើរឡើងពីមួយថ្ងៃទៅ១ថ្ងៃ។ លោកអ្នក អាចកំនត់គោលដៅអានសៀវភៅប្រចាំឆ្នាំ រៀនជំនាញថ្មីៗ ដូចជាកុំព្យូទ័រ រៀនកូដ រៀនធ្វើនំ រៀនបើកឡាន រៀនភាសាថ្មីៗបន្ថែមទៀត។
គោលដៅទី៣៖ គោលដៅគ្រួសារ និងមិត្តភាព(Family Plan/ Romantic Plans/ Relationship with Friends)
គោលដៅនេះ ជួយអោយអ្នកអាចរក្សាទំនាក់ទំនងបានល្អជាមួយមនុស្សជាទីស្រលាញ់ គ្រួសារ និងមិត្តភក្ត័ជាដើម។
គោលដៅទី៤៖ គោលដៅស្ងប់សុខផ្លូវចិត្ត (Spiritual Goals)
ជាគោលដៅ ដែលជួយអោយអ្នកទាំងអស់គ្នាមានភាពស្ងប់ក្នុងចិត្ត និងមានអារម្មណ៍ស្រស់ថ្លា មិនប្រតិកម្មខ្លាំងៗទៅនឹងស្ថានការណ៍ដែលកើតឡើង។
គោលដៅទី៥៖ គោលដៅសង្គម និងសហគមន៍ (Social and Community Goals)
គោលដៅនេះ គឺជាការចូលរួមចំនែករបស់អ្នកទាំងអស់គ្នានៅក្នុងសហគមន៍ ។ ការរស់នៅ ដើម្បីតែខ្លួនឯង មិនជួយអោយអ្នកទាំងអស់គ្នាមានសេចក្តីសុខ និងរីករាយពិតប្រាកដឡើយ។
គោលដៅទី៦៖ គោលដៅហិរញ្ញវត្ថុ (Financial and Material Goals)
គោលដៅហិវញ្ញវត្ថ គឺជាគោលដៅមួយដែលលោកអ្នកកំនត់គោលដៅថវិកា ដែលលោកអ្នកចង់សម្រេចអោយបាន ។ អ្នកត្រូវមានប្រាក់សន្សំទុកសម្រាប់ពេលឈឺស្កាត់ ប្រាក់ទុកដើម្បីរៀនសូត្រ អភវិឌ្ឍន៍ខ្លួន ប្រាក់យកទៅវិនិយោគ ប្រាក់ចាយវាយប្រចាំថ្ងៃ ប្រាក់ឧបត្ថម្ភទៅឱពុកម្តាយ ។ គោលដៅនេះ ក៏អាចសំដៅទៅលើការ ទិញផ្ទះ ទិញឡាន ទិញម៉ូតូ ។ល។
ក្រោយពីបានកំណត់គោលដៅទាំង៦ រួចហើយ សូមអ្នកទាំងអស់ប្តេជ្ញាអនុវត្តតាមគោលដៅទាំងនោះ ទើបជីវិតរស់នៅដោយរស់រវើក រស់នៅដោយមានន័យពេញលេញ។
អត្ថបទដកស្រង់ចេញពីសៀវភៅដូចខាងក្រោម៖
- Happy for No Reasons by Marci Shimoff
- Leader Who has no title By Robin Sharma
- The Compound Effects by Darren Hardy
- The 5 AM Club by Robin Sharma
- The Passion Test by Janet Attwood and Christ Attwood
បកប្រែដោយ: ទឹកតែ
ភាសាខ្មែរ 
English 